इंदोरीकरांचा शिवाजी विद्यापीठातील कार्यक्रम रद्द; वेळेत पोहोचणार नसल्याचं कारण

शिवाजी विद्यापीठात आज होणारा निवृत्ती देशमुख ऊर्फ इंदोरीकर महाराजांचा कार्यक्रम अखेर रद्द झाला आहे. कार्यक्रमस्थळी वेळेत पोहोचणं शक्य नसल्यानं हा कार्यक्रम रद्द करण्यात आल्याची माहिती आयोजकांनी दिली आहे. मात्र, अंधश्रद्धा निर्मूलन समितीसह शहरातील पुरोगामी संघटनांनी कडाडून विरोध दर्शवल्यानं वाद टाळण्यासाठी इंदोरीकरांनी कार्यक्रमातून माघार घेतल्याची चर्चा आहे.